இலங்கையின் புரட்சிகரமான ஆயுள் காப்புறுதி சேவை வழங்குநரான, யூனியன் அஷ்யூரன்ஸ், தேசிய விற்பனை விருதுகள் 2022 இல் உயர் விற்பனை கௌரவிப்புகளை சுவீகரித்திருந்தது. இந்த நிகழ்வு மொனார்ச் இம்பீரியலில் அண்மையில் இடம்பெற்றது. பாங்கசூரன்ஸ் விநியோகப் பிரிவுக்காக அதிகளவு விருதுகளை நிறுவனம் பெற்றுக் கொண்டது. இலங்கை சந்தைப்படுத்தல் நிறுவகத்தினால் (SLIM) சுயாதீனமான முறையில் முன்னெடுக்கப்பட்ட ஆய்வுகளின் மூலமாக இந்த விருதுகளுக்கான வெற்றியாளர்கள் தெரிவு செய்யப்பட்டிருந்தனர்.
தேசிய விற்பனை முகாமையாளர் பிரிவில் வெற்றியாளராக யூனியன் அஷ்யூரன்ஸ் பாங்கசூரன்ஸ் பிரிவின் உதவி பிரதித் தலைவர் தமித விக்ரமதுங்க தெரிவு செய்யப்பட்டிருந்தார். பாங்கசூரன்ஸ் வலய முகாமையாளரான ஹர்ஷன பெர்னான்டோ, ஆயுள் காப்புறுதி – பிராந்திய முகாமையாளர்கள் பிரிவில் வெள்ளி விருதை சுவீகரித்திருந்தார். ஆயுள் காப்புறுதி – விற்பனை மேற்பார்வையாளர் பிரிவில் வெண்கல விருது, நிமேஷ ஜயசேகரவுக்கு வழங்கப்பட்டதுடன், ஆயுள் காப்புறுதி – முன்கள செயற்பாட்டாளர்கள் பிரிவில் சண்முகம் மேனகா வெற்றியாளராக தெரிவு செய்யப்பட்டிருந்தார்.
பாங்கசூரன்ஸ் பிரிவின் தலைமை அதிகாரி விஷாந்த் விஜேசிங்க குறிப்பிடுகையில், வெற்றியாளர்களின் அர்ப்பணிப்பு மற்றும் நிபுணத்துவத்தை பாராட்டியிருந்தார். சேவைச் சிறப்பு தொடர்பில் அவர்கள் அதிகளவு கவனம் செலுத்தியிருந்தமையினூடாக, பெருமளவில் அவர்களால் வெற்றிகரமாக இயங்க முடிந்தது. தேசிய விற்பனை செயலணியினரின் நாட்காட்டியில் முக்கியத்துவம் வாய்ந்த இந்த நிகழ்வில், அவர்களின் சாதனைகள் கௌரவிக்கப்பட்டுள்ளமையினூடாக, நிறுவனத்தினால் அவர்களுக்கு வழங்கப்படும் சிறந்த பயிற்சிகள் மற்றும் நிபுணத்துவ விருத்தி போன்றன உறுதி செய்யப்பட்டுள்ளன. இதனூடாக அவர்களால் வாடிக்கையாளர்களுக்கு ஒப்பற்ற தீர்வுகள் மற்றும் சேவைகளை வழங்கக்கூடியதாகவுள்ளது என்றார்.
வியாபாரங்களை மேம்படுத்துவது மற்றும் தேசிய பெறுமதியை ஏற்படுத்திக் கொடுக்கும் முன்னணி செயலணியினராக சந்தைப்படுத்தல் பிரிவைச் சேர்ந்தவர்களை திகழச் செய்யும் SLIM இன் நடவடிக்கைகளில் தேசிய விற்பனை விருதுகளும் முக்கிய அங்கம் பெறுகின்றது. சர்வதேச நியமங்களுக்கமைய விற்பனை நிபுணர்களை கௌரவிப்பது நிறுவனத்தின் நோக்கமாக அமைந்துள்ளதுடன், தெற்காசிய பிராந்தியத்தில் மிகச் சிறந்த விருதுகள் வழங்கும் திட்டமாக கொண்டிருப்பதையும் நோக்காகக் கொண்டுள்ளது.
20க்கும் அதிகமான துறைகளைச் சேர்ந்த சிறந்த செயற்பாட்டாளர்களை இனங்கண்டு அவர்களை கௌரவித்து வெகுமதியளிக்கும் வகையில் தேசிய விற்பனை விருதுகள் அமைந்துள்ளது. தனிநபர்களுக்கு தமது வினைத்திறன்களின் பிரகாரம் தமது நிறுவனங்களினூடாக விண்ணப்பிப்பதற்கான வாய்ப்பு வழங்கப்படுகின்றது. போட்டியின் ஒவ்வொரு பிரிவும் தங்கம், வெள்ளி மற்றும் வெண்கலம் ஆகிய விருதுகளைக் கொண்டுள்ளதுடன், தேசிய மற்றும் பிராந்திய விற்பனை முகாமையாளர்களுக்கு விருதுகள் வழங்கப்படுகின்றன. சுயாதீனமான நடுவர் குழாமைக் கொண்டு வெற்றியாளர்கள் தெரிவு செய்யப்படுவதுடன், வெவ்வேறு துறைகளைச் சேர்ந்த நிபுணர்கள் நடுவர் குழுவில் அடங்கியிருப்பர்.
கொழும்புப் பங்குப்பரிவர்த்தனையில் பட்டியலிடப்பட்ட இலங்கையின் மாபெரும் நிறுவனமான ஜோன் கீல்ஸ் ஹோல்டிங்சின் அங்கத்துவ நிறுவனமாக யூனியன் அஷ்யூரன்ஸ் திகழ்கின்றது. துறையில் மூன்று தசாப்த கால வெற்றிகரமான சேவையை யூனியன் அஷ்யூரன்ஸ் பூர்த்தி செய்துள்ளதுடன் சந்தை மூலதனவாக்கமாக ரூ. 19.4 பில்லியனைக் கொண்டுள்ளது. ஆயுள் நிதியமாக ரூ. 57.7 பில்லியனையும், 2023 மார்ச் மாதமளவில் கொண்டிருந்தது. இலங்கையர்களின் கனவுக்கு வலுச்சேர்க்கும் வகையில் இயங்கும் யூனியன் அஷ்யூரன்ஸ், கல்வி, ஆரோக்கியம், பாதுகாப்பு, ஓய்வூதியம் மற்றும் முதலீடு போன்ற ஆயுள் காப்புறுதியுடன் தொடர்புடைய தீர்வுகளை இலங்கையர்ளுக்கு வழங்குகின்றது. நாடளாவிய ரீதியில் பரந்த கிளை வலையமைப்பினூடாக 4000 க்கும் அதிகமான ஊழியர்களைக் கொண்டு இயங்கும் யூனியன் அஷ்யூரன்ஸ், தொடர்ச்சியான தனது ஊழியர்கள், தீர்வுகள் மற்றும் செயன்முறைகள் போன்றவற்றில் வாடிக்கையாளர்களை மையப்படுத்திய முன்னேற்றங்களை மேற்கொள்ளும் வகையில் முதலீடுகளை மேற்கொண்ட வண்ணமுள்ளது.